Директорот на училиште во Тува во Русија се изненади од искрениот одговор на ученичка која на прашање од рускиот претседател Владимир Путин рече дека живее доста далеку од училиштето. Директорот во паника се обиде со движења на главата да му даде знак на девојчето да не кажува колку далеку живее.
– Доста далеку, два километри – одговара девојчето на прашањето на Путин кој е во посета.
Снимката од инцидентот на социјалните мрежи ја сподели политичкиот коментатор Антон Герашченко, кој е и екс-советник на министерот за внатрешни работи на Украина.
Кога девојчето му одговорило на Путин, веднаш бил повикан директорот на училиштето да пријави.
– Како ќе стигнат децата на училиште? – прашува Путин.
Директорот му одговара дека ќе организира автобуси и минибуси, а потоа почнува да мрмори под него и разговорот веќе не се слуша.