Во септември годинава во земјава се евидентирани 134.829 туристи кои направила 262.632 ноќевања, соопшти Државниот завод за статистика.
Во септември 75,4% од туристите биле странци, а остатокот домашни туристи. Учеството на странските туристи во ноќевањата е 68,1%.
Податоците покажуваат дека во периодот јануари – септември 2024 година, во однос на истиот период од претходната година, бројот на туристите е зголемен за 8,3 %, а бројот на ноќевања за 5 отсто.
Турците и во септември се најбројни туристи (34.844). По нив се Србите (8.155) и Германците (5. 607). На четврто место се Полјаците (4.717), а на петто Холанѓаните (3.594).
