Турција утре со бродови ќе евакуира околу 2.000 свои граѓани од Либан поради влошената ситуација на Блискиот Исток, соопшти турското Министерство за надворешни работи.
Два брода за евакуација на турската морнарица денеска ќе ја напуштат Турција за Бејрут.
Во турскиот конзулат во Либан се регистрирани околу 14.000 турски државјани.
Министерството за надворешни работи минатата недела објави дека работи на план за евакуација на граѓаните од трети земји преку Турција, а помош побарале околу 20 земји.
