По сончевото утро, во остатокот од денот се очекува умерена облачност, а попладне и навечер врнежи од дожд и локални врнежи пропратени со грмежи. Највисоката дневна температура денеска до 30 степени.
Циклонот од централна Европа од денеска ќе влијае на времето во нашиот регион.
Пристигнува големо количество влага, а тоа во комбинација со топол воздух ќе создаде одлични услови за развој на олујни облаци кои можат да донесат врнежи пропратени со грмежи.
Пред да пристигне промената на времето, ќе имаме уште неколку сончеви часови и денот ќе биде потопол од просечниот. Околу 12 часот ќе почне да пристигнува облачност, а дожд очекуваме прво во Војводина и на запад од земјава.
Наскоро врнежливата зона ќе ги опфати централните предели, додека на југ очекуваме врнежи во раните вечерни часови. Пред промената времето ќе биде ветровито, ќе дува умерен и засилен југозападен ветер, на планините повремено невреме.
Кога ќе пристигне дождот и облачноста, ветерот ќе се претвори во северозападен правец и дополнително ќе се зголемува.
Максималната температура од 22 степени на север, до 29-30 на југ.
Денешниот ден ќе биде само увертира за уште поголема промена која ја очекуваме утре, кога температурата драстично ќе опадне. Во наредната ноќ ќе има обилни врнежи и значително ќе освежуваат, па утре ќе биде за 15 до 20 степени посвежо од денеска, односно температурата во најтоплиот дел од денот ќе биде под 10 степени. Дури и на планините очекуваме снег.
По обилните врнежи во среда, во четврток ќе биде облачно, се уште со врнежи од дожд, но со послаб интензитет. Од петок ќе има делумно разведрување и пораст на температурата.
