Цените на становите во вториот квартал од годинава поскапеле за 11,5% на годишно ниво, а во однос на првиот квартал од годинава поскапеле за 8,2%, покажува Индексот на цени на станови на Народната банка.
Во првиот квартал од годинава, цените бележеа поскапување од 4,7% на годишно ниво, додека на квартално ниво беше забележан пад на цените од 0,8%.
Според податоците од Народната банка, во последното тримесечје од 2023 година становите на годишно ниво поскапеа за 6,9%.
Индексот на цените на становите е направен врз основа на податоците што се однесуваат на огласени станови за продажба на територија на град Скопје.
Само во април, за кога се и последните податоци на Државниот завод за статистика планирани за градба биле 710 станови со вкупна корисна површина од 55 611 м2.
