Цените на гасот во Европа од денеска се пониски за 7 отсто и изнесуваат 730-735 долари за 1.000 кубни метри.
– Ова значи дека тие паднаа под 750 долари за првпат од февруари минатата година – објави лондонската берза ICE.
На 19 декември земјите од Европската Унија се договорија за максимална цена на гасот од 180 евра за мегават час (околу 2.000 долари за илјада кубни метри по сегашниот курс), а оваа мерка ќе стапи во сила од 15 февруари, со цел да се заштити населението и економијата од поскапувањата на цената на гасот.
Високата цена на енергенсите во Европа, според оценката на западните медиуми, ја предизвикала најголема инфлација во последните неколку децении.
