Цената на гасот во Европа порасна за 24 отсто откако руски Газпром ја прекина испораката на Полска и Бугарија поради одбивањето на овие земји да го платат гасот во рубљи.
Референтните европски цени на гасот скокнаа за 24 отсто на 121 евро за мегават-час, за да го достигнат своето највисоко ниво овој месец и речиси седум пати повеќе од пред една година.
Полска и Бугарија се првите членки на ЕУ на кои нивниот главен европски снабдувач го прекина снабдувањето со гас откако Кремљ започна специјална воена операција во Украина на 24-ти февруари. Рускиот гас сочинува околу 40 отсто од увозот во ЕУ.
Минатиот месец Путин им нареди на европските земји означени како „непријатели“ да плаќаат за рускиот гас во рубли од 1 мај.
Извозот на енергија од Русија во голема мера продолжи од почетокот на операцијата во Украина, со исклучок на санкциите што ја прекинаа Москва од поголемиот дел од нејзината трговија со Западот.
