Се враќаме на цените од февруари минатата година, рече министерот за економија Крешник Бектеши на денешната прес-конференција и најави дека цената на дизелот повторно ќе изнесува под 75 денари.
– Трендот на намалување на цената на горивата ќе продолжи и оваа недела. Само за една недела цената на дизелот бележи намалување од 4,5 денари. Се враќаме на цената на горивата од февруари минатата година, а тоа ќе има позитивно влијание врз намалување на инфлацијата – заклучи министерот.
