Тринаесет лица починаа, а 517 граѓани заболеа од ковид-19 во последните 24 часа, соопшти Министерството за здравство.
Направени се 2.669 тестови, а регистрирани се нови случаи во: Скопје – 261, Битола – 31, Кавадарци – 24, Прилеп и Велес по 22, Куманово – 18, Тетово – 16, Кичево – 14, Гостивар и Штип по 13, Охрид – 12, Крива Паланка – 11, Струмица – 10, Струга и Неготино по 8, Кочани, Гевгелија, Свети Николе и Ресен по 5, Дебар и Демир Хисар по 4, Радовиш, Делчево, Валандово, Богданци, Кратово и Демир Капија по 1.
Од вкупниот број на позитивни (517), регистрирани се 72 реинфекции. Регистриран сe 1.022 оздравени пациенти.
Во текот на изминатите 24 часа, регистрирани се 9 починати лица во болнички услови: 4 починати лица од Скопје (65, 72, 83 и 86) и по едно починато лице од Струмица (78), Кавадарци (42), Македонски Брод (45), Штип (81) и Гевгелија (65).
Согласно Регистарот на умрени лица со дијагноза ковид-19 од Мој термин, дополнително се пријавени 4 починати лица од: Скопје, Струмица, Крушево и од Кочани. Починатите лица се на возраст од 72 до 79 години. Лицата за починати се пријавени во период од 18.02. до 21.02.2022. Од нив, двајца починале дома.
Од вкупниот број починати, кај 13 лица се регистрирани коморбидитети.
