Триесет и четиригодишната актерка Дакота Џонсон призна дека одлично се сложува со децата на нејзиниот партнер Крис Мартин. Таа целосно ја прифатила улогата на маќеа и има прекрасен однос со Епл (19) и Мозес (17), кои пејачот на Колдплеј ги доби од бракот со актерката Гвинет Палтроу.
– Ги сакам тие деца како мојот живот да зависи од тоа. Ги сакам со сето мое срце – изјави Дакота Џонсон во своето ново интервју за Bustle, а потоа додаде дека луѓето не мора да бидат крвно поврзани за да бидат семејство.
Сепак, призна таа, сака да има свои деца со Мартин.
Дакота рече дека семејството што ќе го избереме може да биде исто толку важно, ако не и повеќе, од она во кое сме родени.
– Имам четворица браќа и две сестри, а две од моите сестри воопшто не се во крвно сродство, но се чувствуваат како сестри и така се нарекуваат и секогаш се заедно. Ниту еден од моите постари браќа не е во крвно сродство, но тие се браќа вели убавата актерка.’
Дакота Џонсон е ќерка на Мелани Грифит и Дон Џонсон. Мелани го има синот Александар со поранешниот сопруг Стивен Бауер и ќерката Стела со поранешниот сопруг Антонио Бандерас. Дон Џонсон од друга страна има син Џеси со Пети Д’Арбанвил и ги дели Грејс, Џаспер и Дикон со поранешната сопруга Кели Флегер.
