Ако имате проблеми со спиењето или ви треба долго време за да заспиете навечер, треба да знаете дека три вида овошје можат да ви помогнат да ги решите овие проблеми и да имате добар, квалитетен сон.
Треба да се нагласи дека се што консумираме во текот на денот влијае на нашето здравје, но кога се подготвуваме за спиење важно е да избегнуваме одредени намирници. На пример, пред спиење, не јадете храна богата со шеќер и масти, бидејќи на телото му треба долго време да ги преработи и затоа нема да можете лесно да заспиете.
„Целата растителна храна која е богата со јаглени хидрати, вклучително и влакна, може да го стимулира ослободувањето на серотонин, помагајќи ви да заспиете и да спиете добро во текот на ноќта. Овошјето воопшто е добар извор на влакна, особено јаболката, крушите и бобинките“, објаснува нутриционистот Никол Дандреа-Расерт.
Во продолжение прочитајте кои три вида овошје е добро да ги јадете пред спиење.
Банани
Бананите се одличен извор на калиум, кој е клучен минерал и електролит кои ни се потребни за правилно функционирање на нашето срце.
Експертот за спиење Марк Вернер наведува дека бананите се добри за јадење пред спиење бидејќи го регулираат крвниот притисок и го намалуваат нивото на стрес. Покрај тоа, бананите се богати со други минерали и витамини кои ни помагаат да спиеме подобро.
„Бананите содржат хранливи материи како што се калиум, магнезиум, триптофан и витамини кои го подобруваат сонот. Триптофанот е клучна аминокиселина за производство на серотонин, хормонот што предизвикува спиење. „Серотонин работи со мелатонин, друг хормон кој го регулира циклусот на спиење“, објаснува нутриционистката Кетрин Гервасио.
Цреши
Црешите се богати со мелатонин, хормон кој е неопходен за добар сон. „Неколку видови овошје се добри извори на мелатонин, како што се црешите, калинките, доматите и јагодите“, вели Дандреа-Расерт.
Затоа, пред спиење, јадете свежи или суви цреши или пијте малку сок од цреша ако сакате да спиете подобро.
Киви
Кивито има висока содржина на серотонин, а исто така е одличен извор на витамин Ц. И серотонинот и витаминот Ц се корисни за подобрување на сонот, а исто така се добри и за нашиот имунолошки систем и варење, пишува Best life.
„Истражувањето покажа дека кивито е вид на овошје кое може да ви помогне брзо да заспиете. Иако кивито не е директен извор на мелатонин, тоа е извор на серотонин, кој е претходник на мелатонин“, истакнува Дандреа-Расерт.
Albanian
English
Macedonian
Turkish
