Најмалку три лица загинаа, а 15 се повредени во напад со нож во кинескиот град Шангај.
Напаѓач синоќа со нож ги нападнал клиентите во супермаркет во централниот округ Сонџијанг во Шангај, објавија националните медиуми.
Во нападот беа повредени вкупно 18 лица, од кои тројца го загубија животот и покрај напорите на лекарите.
Шангајската полиција соопшти дека станува збор за 37-годишниот напаѓач чие име е запишано како Лин. Тој бил фатен на местото на нападот, а при сослушувањето рекол дека нападот го извршил „за да го истури гневот“ предизвикан од лични финансиски расправии.
Наведено е дека напаѓачот дошол надвор од градот, но не и од каде точно.
