Три лица загинаа, а 11 се повредени во пукање на прометна улица во американскиот град Филаделфија

Lorita
By Lorita 1 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

Три лица загинаа, а 11 се повредени во пукање на прометна улица во американскиот град Филаделфија, соопшти полицијата.

– Четиринаесет лица биле застрелани и хоспитализирани. Тројца од нив – двајца мажи и една жена – подоцна починале во болница од повеќе прострелни рани –  изјави инспекторот Ди Еф Пејс од полицискиот оддел во Филаделфија.

Полицијата пристигнала на местото на настанот и „идентификувала неколку вооружени лица кои отвориле оган врз толпата“ во областа „Саут стрит“, прометна улица во Филаделфија.

– Можете да замислите дека на „Саут стрит“ имаше стотици луѓе, како секој викенд, кога почна пукањето –  рече полицискиот инспектор.

Пејс додаде дека полицијата пукала врз еден од напаѓачите, но не прецизираше дали тој е застрелан.

Засега нема уапсени, објавија локалните медиуми.

Инспекторот Пејс рече дека на местото на пукањето биле пронајдени два пиштола, а полицијата ќе ги проучи снимките од камерите на трговските објекти во областа.

Share This Article