Три лица починале во Клиничкиот центар во Загреб откако се заразиле со легионела. Вкупно шест лица се заразиле со легионела и тоа во болница. Сите преостанати инфицирани имаат тешки коморбидитети и се имунокомпромитирани.Од болницата велат дека само истрагата ќе утврди дали причината за смртта е легионела или општата состојба на починатите пациенти, пренесува Индекс.хр
Откако се утврди дека заразиле пациенти, во КБЦ Загреб започна истрага за да се открие од каде започнала инфекцијата бидејќи се знае дека може да се прошири или од клима-уреди или од вода.
Од КБЦ Загреб претходно потврдиле дека легионела се појавила во болницата и дека ја изолирале во вода.
– Веднаш го алармиравме Хрватскиот институт за јавно здравје кој ги направи сите анализи и бактеријата е изолирана во водоводниот систем, во моментов е во тек пастеризацијата, односно се пушта топла вода од сите чешми во болницата – изјави Миливој Новак, помошник директор во КБЦ Загреб.
Бактеријата легионела може да предизвика лесна болест наречена Понтијак треска со симптоми слични на грип: треска, слабост, главоболка, болки во мускулите, се наведува на веб-страницата на Институтот за јавно здравје. Не се регистрирани смртни случаи. Иако легионерската болест сигурно постоела и порано, бактеријата „легионела“ за прв пат била откриена во 1976 година по големата епидемија меѓу американските легионери за време на нивната конвенција во хотел во Филаделфија.
Легионела се наоѓа во природата во различни води како реки, езера и кал, обично во помал број. Опасноста настанува кога влегуваат во водните системи изградени од човекот, како што се кули за ладење, големи системи за снабдување со топла вода, навлажнувачи, украсни фонтани и слично, најчесто преку оштетување на водоводните цевки, дотек на површинска вода и неправилно поврзување на потрошувачката вода како поврзување со хидрантска вода.
Од легионерската болест најчесто заболуваат пушачии и луѓе над 50-годишна возраст (особено мажи), луѓе кои имаат хронична болест на белите дробови, трансплантација на органи, земање повисоки дози на кортикостероиди, ослабен имунолошки систем и прекумерно консумирање алкохол.
Болеста се третира со антибиотици, азитромицин, кинолони или рифампицин.
