Како што се приближува Велигден, корисно е да знаете неколку трикови и идеи кои ќе ви помогнат лесно и брзо да ги украсите велигденските јајца.
Еве три креативни начини за украсување на велигденските јајца за само неколку минути.
1. Кадрава орнаменти
Со помош на пиштол за топол лепак, нацртајте ластари и други украси на јајцата. Оставете го лепилото да се исуши, а потоа потопете ги јајцата во водата со бојата за јајца. Кога бојата ќе се исуши, нежно отстранете го лепилото од јајцето. Ќе добиете обоено велигденско јајце со бели кадрави украси.
2. Лак за нокти
Ставете капка од омилениот лак за нокти во сад со вода. Потоа додадете втор лак во центарот на капката, а потоа трет… Ова ќе му даде вртлив дизајн и можете да го повторувате тоа онолку пати колку што сакате.
Потоа потопете го јајцето во водата така што ќе го покриете со лак. Извадете го јајцето, оставете го неколку секунди да се исуши и ќе добиете велигденско јајце кое брзо и лесно сте го украсиле со лак.
3. Природно боење
Постојат неколку начини на кои можете да ги обоите јајцата на природен начин, а 30 секунди ви носи едно од нив. Виолетовата зелка исечкајте ја и ставете ја во сад со вода, внатре ставете ги јајцата и варете малку. Кога зелката ќе ја ослободи бојата и ќе се сварат јајцата, тргнете го садот од оган. Кога ќе ги извадите јајцата од садот ќе забележите дека добиле виолетова или сина боја.
