Американскиот рапер Тревис Скот во моментот е на турнеја насловена „Утопија“, а на еден од неговите настапи во Тексас се случи инцидент кој брзо стана вирален.
Во средината на неговиот настап, еден многу восхитен обожавател скокнал на сцената и почнал да скока во ритамот на музиката.
Затекнатниот рапер најпрво го фатил обожавателот за јаката.
Потоа дотрчале неколку членови на обезбедувањето за да го тргнат навивачот од бината, но Тревис јасно им ставил до знаење дека има сè под контрола и дека нивната интервенција не е неопходна.
Раперот потоа почнал да скока со него држејќи го цело време, а обожавателот потоа во целосна еуфорија му ја соблекол маицата. Видеото наиде на големо внимание на социјалните мрежи.
„Енергијата беше на друго ниво“, напиша еден корисник на социјалната мрежа Икс (поранешен Твитер), кој исто така присуствувал на концертот.
