Тренерот на Атлетико Мадрид, Диего Симеоне се осврна на синоќешниот пораз од Интер.
Шпанскиот претставник загуби во Милано со 1:0 во првиот натпревар од осминафиналето на Лигата на шампионите.
– Игравме многу добро. Бевме блиску до она кон што се стремевме – да го спречиме добриот напад на Интер. Поради тоа, противниците искористија бројни моменти кога губевме топки во транзиција, по што тие самите создаваа шанси. Ова е неверојатен аспект на фудбалот. Можете да подготвите тактики колку сакате, но на крајот сѐ е до фудбалерите. И тоа се индивидуални поединци. Има добри моменти и има лоши. Денес Интер ја искористи нашата грешка – го цитира Симеоне прес-службата на УЕФА.
Тренерот на Интер, Симоне Инзаги, пак, жали што победата над Атлетико Мадрид во првиот натпревар од осминафиналето на Лигата на шампионите не е изразена со повеќе голови.
– Овој натпревар ни остава добар впечаток за извонреден настап против голем противник. Жал ни е што предноста е само еден гол, бидејќи претстои интензивен натпревар во Мадрид. Задоволен сум од изданието на Арнаутовиќ, тој работи многу добро. Во овие шест месеци постигнавме многу добри резултати, но најважни се март и април. Момците треба да продолжат така. Ми се допаѓа како тренираат момците, но знаеме дека ќе има тешкотии, интензивни натпревари, замор, некои ќе се повредат. Но, ние мора да продолжиме да работиме како што работиме сега – истакна Инзаги за сајтот на УЕФА.
Реваншот ќе се игра на 13 март во Мадрид.
