Поранешниот американски претседател и претседателски кандидат, Доналд Трамп, за „Фокс њуз“ (Fox News) изјави дека куршумот што го промашил на 13 јули е „божја интервенција“.
– Верувам дека Господ мисли дека ќе ги поправам САД, па затоа и ме спаси – наведе Трамп.
Тој додаде дека САД се „болни и расипани“, и затоа Бог го спасил од смрт.
За потсетување, на 13 јули 2024 година, Доналд Трамп, поранешен претседател на Соединетите држави, а потоа и кандидат на Републиканската партија на претседателските избори во 2024 година, преживеа обид за атентат додека зборуваше на предизборен митинг во близина на Батлер, Пенсилванија.
Трамп беше застрелан и ранет во горното десно уво од Томас Метју Крукс, 20-годишник од Пенсилванија, кој испука 8 куршуми од пушка во стилот АР-15 од покривот на зграда во близина. Тој уби еден член на публиката и критично повреди двајца други. Последователно, Метју беше застрелан и убиен од контра-снајперскиот тим на тајната служба на САД.
Инаку, христијанскиот свештеник Брендон Бигс, човекот кој на видео на Јутјуб е претставен како пророк, неколку месеца пред атентатот најави дека ќе има атентат врз Доналд Трамп.
– Го видов атентатот врз него. Куршумот помина покрај неговото уво и дојде толку блиску до главата што му го проби тапанчето – изјави Бигс за време на видеото кое стана вирално.
