Поранешниот американски претседател Доналд Трамп ја нападна пејачката Ријана по нејзиниот настап на полувремето во Супербол.
„Епско промашување: Ријана ни го приреди, без сомнение, најлошото шоу на полувремето на Супербол во историјата, и тоа откако навреди повеќе од половина од нашата веќе сериозно пропадната нација со нејзиниот поган речник. Исто така, толку за нејзиниот „стилист“!“, Трамп напиша на својата социјална мрежа Truth Social.
„Без талент“
Многумина заклучија дека неговите коментари се однесуваат на уметнички перформанс од 2020 година, кога Ријана на автомобилот напиша: „Е*и го Tрамп“. Поранешниот претседател пред два дена жестоко ја критикуваше пејачката, пишувајќи: „Таа не би била ништо без нејзиниот стилист. Таа е лоша во сè, а плус и нема талент!“
Поранешниот доктор на Трамп во Белата куќа и конгресменот од Тексас, Рони Џексон, по повод ишараниот автомобил на истата социјална мрежа напиша: „Зошто НФЛ го покажува овој идиотизам? Ријана не треба да биде изведувач на полувремето”, напиша Џексон.
Инаку, за 34-годишната Ријана ова беше прво појавување на голема сцена во последните пет години, по турнејата во 2016 година кога го издаде последниот албум „Анти“. По настапот Ријана потврди дека е бремена по втор пат, а за време на настапот неколкупати го допре својот стомак.
