„Секогаш ќе му бидам многу благодарен на Модриќ, со кого имам многу добри односи“, одговори Родриго на прашањето кој совет би го издвоил како најважен откако дојде во клубот во летото 2019 година.
„Во период кога не играв многу, тој ми рече да продолжам да работам и да тренирам затоа што ќе дојде мојот момент. После тоа ја кренав главата и од ден на ден се понапорно тренирав. И дојде мојот момент. Почнав да играм, да постигнувам голови и да бидам важен во тимот“, изјави тој за ТВ Реал Мадрид.
Модриќ го нарекува син
Модриќ (38), капитенот на Хрватска, е најстариот играч во Реал Мадрид, а Родриг со милост го нарекува „син“ бидејќи е 16 години постар од него.
Лидерот во шпанската лига Реал Мадрид оваа недела го продолжи договорот со својот друг бразилски напаѓач, 23-годишниот Винисиус Јуниор до летото 2027 година.
Овде научив никогаш да не се откажувам, без разлика на ситуацијата“, изјави Родриго, кој со Кралскиот клуб освои осум трофеи.
„Мојот сон беше да освојам се, но не очекував дека ќе успеам за четири години“, рече тој и додаде дека освојувањето на Лигата на шампионите му е омилен трофеј.
Задоволен сум од сите трофеи, а сега сакам повторно да ги освојам сите“, изјави Родриго, кој на 179 натпревари за Реал постигна 39 гола и забележа 33 асистенции.
Младиот напаѓач во декември играше за Бразил против Хрватска во четвртфиналето на Светското првенство и не беше прецизен при изведувањето на пенали, по што Хрватска се пласираше во полуфиналето.
