Во четвртокот, српската полиција ги приведе неговиот 14-годишен брат и 56-годишната баба под сомнение дека убиле 12-годишно момче од селото кај Младеновац. Тинејџерот наводно го застрелал својот брат со ловечката пушка на бабата, па против неа ќе биде поднесена кривична пријава.
Полицијата ја приведе 56-годишната баба поради сомнение дека сторила кривично дело недозволено поседување оружје и предизвикување општа опасност, соопшти српското МВР. Нејзе и е одредена мерка притвор во траење од 48 часа, по што ќе биде изведена пред белградското државно обвинителство.
Според српскиот портал Телеграф.рс, трагедијата се случила во селото кај Младеновац, кога 14-годишно момче со ловечка пушка го застрелало својот 12-годишен брат и го убил. Пушката наводно не била регистрирана и соодветно обезбедена.
Масовно убиство се случи и кај Младеновац пред два месеци, кога 20-годишен маж на 4 мај уби девет лица, главно млади луѓе, во три села во околината. Еден ден претходно, 13-годишен ученик уби десет лица, меѓу кои девет ученици и еден чувар, во неговото основно училиште „Владислав Рибникар“ во Белград.
По гореспоменатите престрелки, во Белград се одржуваат неделни масовни протести против насилството, кои оттогаш се проширија и во другите градови во Србија.
