Нов топлотен бран доаѓа над Словенија во следните неколку дена кога се очекува температурите на места да се искачат до 38 Целзиусови степени. Нешто повисоки температури се очекуваат во Хрватска, каде живата би можела да се искачи до 40 степени.
Кон крајот на неделата нов топлотен бран повторно ќе ја зафати Словенија. Ќе започне во Приморска, а потоа за неколку дена ќе ја опфати цела Словенија. Најтоплиот дел ќе биде на почетокот на следната недела кога температурите на места ќе се искачат до 38 Целзиусови степени.
„Во Приморска атмосферата може да се загрее до 38 Целзиусови степени, во другите делови на земјата ќе биде до 35 степени“, изјави за Н1 Бране Грегорчич, метеоролог од Агенцијата за животна средина. Тој објасни дека се уште е тешко да се предвиди кој ден помеѓу понеделник и среда ќе биде најтопол. „Не очекуваме апсолутни рекорди на топлина, но ќе биде жешко“, додаде тој.
Поради топлиот воздух кој тече над Средоземното Море од северот на Африка високи температури се очекуваат и во Хрватска, јавува N1 Загреб.
На места и до 40 Целзиусови степени
Веќе денеска, особено во Лика и Горски Котар времето ќе биде сончево и топло со мала облачност. Највисоките дневни температури ќе бидат од 30 до 35 Целзиусови степени. Слично ќе биде и утре кога ќе биде зголемен и УВ индексот.
Како и во Словенија, врвот на горештините се очекува во Хрватска на почетокот на следната година, кога во некои делови очекуваат и до 40 степени Целзиусови.
Втората половина од неделата ќе биде нестабилна поради продор на влажен воздух, може да има и посилно невреме. Само кон крајот на неделата температурите малку ќе опаднат.
