Актерктата Брук Шилдс откри дека добивала божиќен подарок од Том Круз, но подароците мистериозно престанале да пристигнуваат.
Имено, познато е дека Том Круз на своите пријатели од А-листата традиционално секој Божиќ како празничен подарок им праќа луксузна торта вредна 126 долари, односно 115 евра. Станува збор за колач со кокос, а некои од ѕвездите кои можеа да уживаат во претходните години се Анџела Бејсет, Мајлс Телер, Кристен Дастин и Хенри Кавил.
Шилдс за магазинот „Пипл“ признала дека не му се лути на Круз, но дека би сакала „да се врати на списокот“.
„Бев на списокот некое време. Околу 10 години и секоја година добивав торта од кокос“, рекла таа и додала дека подарокот престанал да доаѓа со текот на времето бидејќи актерот се повеќе се оддалечувал од неа.
Шилдс и Круз се поврзаа откако актерот ја дочека својата ќерка Сури во истата болница каде Шилдс го роди своето второ дете. Шилдс дури беше поканета на раскошната италијанска венчавка на Круз и неговата сега веќе поранешна сопруга Кејти Холмс.
