Во понеделникот фудбалската јавност беше изненадена од фактот што селекторот на бразилската репрезентација Тита на списокот патници за Светското првенство во Катар го вклучи 39-годишниот Дани Алвеш. Ветеранот летово се пресели од Барселона во мексиканскиот УНАМ.
Бразил, кој на Светското првенство во Катар ќе се натпреварува во група со Србија, Швајцарија и Камерун, нема да го води напаѓачот на Ливерпул Роберто Фирмињо на Мундијалот. Тите објасни зошто го поканил Алвеш.
„Дани носи технички и тактички аспекти кои се импресивни, тој е личност која може да се организира и артикулира. Секако, тој веќе не е човек кој може да трча 60 или 70 метри, но има други доблести. Со поканата ги наградивме неговите технички квалитети, но и психичките и физичките аспекти. Веруваме дека физички ќе биде целосно подготвен“, изјави Тите објаснувајќи ја одлуката на турнирот да го доведе легендарниот десен бек Алвеш.
Дани Алвеш игра за Бразил од 2006 година – за својата земја има 124 настапи и постигна осум гола. Во својата клупска кариера, тој освои импресивна серија трофеи играјќи за Баија, Севиља, Барселона двапати, Јувентус, ПСЖ, Сао Паоло и УНАМ.
