Често се случува тинејџерите да не сакаат да позираат за семејна фотографија, а понекогаш немаат друг избор освен да го направат тоа.
Генерацијата „Z“ смисли начин да му угоди на семејството, а во исто време делумно да се дистанцира од сликата. Тоа го прават така што го покриваат носот при фотографирањето.
Како што пренесува „Њујорк пост“, помладите генерации ги покриваат носот и средината на лицето со раце, за што помалку да се гледаат на сликите. Ќерката на боксерот Тајсон Фјури Венецуела и нејзината братучетка Валентина на ист начин се сокрија од камерата. Мајката Мишел Харис, чиј син исто така одби да се најде на божиќната семејна фотографија доколку не можеше да го покрие лицето, по неколку неуспешни обиди да се фотографира, реши да провери зошто се однесува така.
Мајката изјавила дека го прашала синот дали е се во ред и дали го малтретираат. Според неа, синот одговорил дека ќе биде мета на врсниците доколку мајката ја објави фотографијата без негова согласност. Тинејџерите бараат засрамувачки меѓусебни фотографии на други мрежи и се обидуваат да избегнат задевања со покривање на лицето.
– Како родители сакаме да снимаме сè. Нивниот прв чекор, секој заб, загради и потоа ги објавуваме со гордост, не размислувајќи колку тоа може да биде штетно за нашите деца во нивните општествени групи – вели Харис.
Експертот за родителство Аманда Џенер го припишува овој тренд на периодот на растење каде тинејџерите не го прифаќаат нивниот изглед.
– Важно е да се запамети дека оваа фаза е нормален дел од растењето, при што се бара независност и се воспоставуваат лични граници. Ова се клучните развојни пресвртници – рече таа.
