Македонскиот граѓанин Џими Лазовски роден во Германија со место на живеење Тетово е осуден на глоба од 1.800 евра за исмејување и правење подбив со поранешната амбасадорка на САД, Кејт Мери Брнз.
Македонскиот суд го осудил Џими Лазовски затоа што лани во април напишал непристоен коментар на Фејсбук за Мери Брнз, а државата Македонија го судела за повреда на угледот на дипломатски претставник на странска држава во Македонија.
За нарушениот углед на амбасадорката, судијката во тетовскиот суд Верка Костоска на барање на тетовскиот обвинител Башким Хисени досудила 1.800 евра казна за Лазовски, односно 150 дневни глоби.
Доколку не ја плати паричната казна, тогаш Судот предвидува затвор во времетраење од 150 дена.
Пресудата во која има низа навредливи сексуални конотации за амбасадорката кои не се за малолетна публика ја објавува професорката Билјана Ванковска.
