Тешка сообраќајна несреќа во која учествувале училишен автобус и патничко возило се случила утрово на стариот пат меѓу Нови Сад и Инџија, пред кривината кон Марадик, пренесуваат српските медиуми.
Во сударот меѓу автобус и патничко возило што се случи утринава на стариот пат меѓу Нови Сад и Инџија, едно лице го загуби животот, соопштија од Полициската управа на Сремска Митровица.
„Околу 07:30 часот на патот меѓу Инџија и Нови Сад, кај Инџија, во сообраќајна незгода учествувале автобус и патничко возило“, се наведува во соопштението.
На лице место им била укажана помош на дури 27 повредени лица, а четири лица се здобиле со тешки телесни повреди, соопшти Здравствениот дом во Инџија.
„Десет лица се пренесени во Клиничкиот центар на Војводина во Нови Сад, седум во болницата во Сремска Митровица и две во Белград. Ова не е конечната бројка на повредени, бидејќи граѓани кои се нашле на лице место ги превезувале луѓето до Итната помош во Бешко и Инџи. Наскоро ќе ја знаеме конечната бројка на повредени“, соопштија од Здравствениот дом во Инџија.
Да потсетиме, едно лице загина во тежок судар што се случи утринава на стариот пат меѓу Нови Сад и Инџија, пред кривината кон Марадик.
Според информациите младиот човек (18) возел диво и престигнувал возила, а возачот на автобусот извртел за да го избегне.
Двете возила од силината на ударот завршиле во ендек, а младиот човек кој го управувал патничкото возило загинал. Како што можете да видите на видеата од социјалните мрежи, патничкиот автобус се превртел во ендек, а делови од возилото биле расфрлани по целиот пат.
