Минатогодишниот финалист на грен слем турнирот „Ролан Гарос“ Стефанос Циципас беше елиминиран во осминафиналето на Грен слем турнирот во Париз, Франција.
Младиот Данец Холгер Руне (19) го победи четвртиот тенисер во светот со 3:1, во сетови 7:5, 3:6, 6:3, 6:4.
Руне стигна до првото четвртфинале во кариерата на турнирите од големата четворка и за пласман во полуфиналето ќе се бори со Норвежанецот Каспер Руд.
Потсетување дека Руд во осминафиналната фаза успеа да го елиминира полскиот натпревар Хуберт Хуркач.
Од 18.15 часот Андреј Рубљов ќе ги одмери силите против Јаник Синер, а од 20.45 часот Марин Чилиќ ќе се соочи против вториот светски рекет Данил Медведев.
Во женска конкуренција заврши уште еден меч, Американката Џесика Пегула со 2:1 (4:6, 6:2, 6:3) ја елиминираше Ирина Бегу од Романија.
Пегула за пласман во полуфиналето ќе игра против првата носителка Ига Швјонтек или Кинвен Женг од Кина.
