Министерот за здравство и дел од албанската коалиција Вреди, Арбен Таравари, денеска во изјава за медиумите по прашање за одлуката на Уставниот суд за укинување на Балансерот истакна дека тоа се проблеми кои седеле во Судот со години.
– Уставниот суд одлучи за 100 дена Влада да ги извади сите на површина, тие се проблеми коишто треба да се решат. Мислам дека етничката припадност е уставна категорија и се надевам дека наскоро ќе има нов закон. А кога етничката припадност е уставна категорија, тогаш треба да има и закон, со којшто ќе се предвидат застапеност не само етничка, туку и на сите категории на луѓе коишто живеат во државата да имаат правична застапеност во институциите – вели Таравари.
Според него, законот е готов и се очекуваат мислења од меѓународни експерти.
