Ајакс од Амстердам покажа како клубовите се однесуваат кон своите асови. По повод 100-тиот гол на Душан Тадиќ во дресот на повеќекратниот европски шампион, во неговата родна Бачка Топола се појави билборд со ликот на капитенот на тимот од Амстердам и на српската репрезентација.
Не застана тука. Холандскиот клуб донираше 100 топки на Основното училиште „Чаки Лајош“ во Бачка Топола.
Преку оваа акција Тадиќ и Ајакс покажуваат дека секој што ќе почне да игра со топка може да сонува за таква кариера“, стои во соопштението на Ајакс.
Душан Тадиќ во интервју за клупската телевизија истакна колку му значат Ајакс и јубилејот што го постигна.
„Една од особеностите на нашиот клуб е тоа што имаме толку многу легенди. Многу великани играле за Ајакс и затоа секогаш се чувствувам посебно кога ќе го облечам дресот, секој пат. Ова е прекрасен дрес. Мора да бидете секогаш тука за тимот за да постигнете резултати. Секогаш сум тука за помладите играчи, подготвен сум да се пошегувам кога имаат потешкотии, ги терам да работат на себе и да го подобрат своето тело до совршенство за да бидат што поквалитетни. Секогаш е забавно кога мајка ми ќе ми каже дека е горда и дека сум успеал во животот. Велам: Мамо, уште не сум таму, има уште многу работа, ќе видиме кога ќе се повлече линијата на крајот. Но, никогаш нема целосно задоволство, секогаш треба да барате нова глад и задоволство. Играњето за Ајакс можам да го споредам со играњето за Србија. Сум имал задоволство во секој клуб, од Војводина до Гронинген… но Ајакс е навистина на посебно место“, истакна Душан Тадиќ.
Капитенот на српската фудбалска репрезентација Душан Тадиќ првите фудбалски чекори ги направи во родната Бачка Топола во некогашниот АИК, денешен ТСЦ.
Потоа се пресели во Нови Сад, каде се уште ги бранеше боите на Војводина во помладите категории. Странската кариера ја започна во Холандија, играјќи за Гронинген, потоа за Твенте.
Тадиќ успешно настапи во Премиер лигата играјќи за Саутемптон. Едно од најголемите достигнувања на генерацијата на Тадиќ во тимот на „светците“ од Англија е финалето на Карабао купот во 2017 година, во кое беа поразени од Манчестер Јунајтед.
Српскиот фудбалер брани за Ајакс од 2018 година, а досега, како што е познато, постигна 100 гола и 107 асистенции.
За Ајакс одигра 225 натпревари, а капитен беше на 168 натпревари. Тој постигна 31 гол од пенали, три од слободни удари, а останатите 62 од отворена игра. Тој постигна 80 со левата нога, 18 со десната и по еден со главата и грбот.
