Светската здравствена организација (СЗО) и УНИЦЕФ ги обвинуваат компаниите кои произведуваат формула за доенчиња за неетички маркетинг практики насочени кон бремените жени и младите мајки, во студијата објавена во средата. Заблудни и научно неосновани пораки се користат за да се убедат мајките да им даваат на доенчињата вештачко млеко наместо мајчиното, се вели во извештајот. Индустријата беше вредна 55 милијарди долари во 2019 година.
Додека стапките на доење малку се зголемија во последните 20 години, приходот на производителите на вештачко млеко речиси се удвои во истата временска рамка.Тоа се шест големи компании чии практики се слични, изјави за ДПА Најџел Ролинс, од одделот на СЗО одговорен за здравјето на мајките и децата, без да прецизира кои компании.
Само 25 земји во голема мера го имаат имплементирано Кодексот на однесување за маркетинг на храна за бебиња од 1981 година, објави СЗО 2020 година.Во извештајот се наведува дека компаниите отвориле групи за мајки на социјалните мрежи или се инфилтрирале во постоечките за да промовираат „формули“ за бебиња.Тие даваа сомнителни информации на здравствените работници на конференции или во брошури, кои потоа им ги пренесуваа на мајките.Оваа лажна информација вклучува тврдења дека бебињата спијат подолго ако пијат формула, дека мајчиното млеко го губи квалитетот со текот на времето и дека одредени производи би можеле да спречат алергии.Според СЗО, има доживотни придобивки од доењето во првите месеци од животот, вклучително и намалување на ризикот од кардиоваскуларни болести, дебелина и дијабетес – како и намалување на ризикот од рак на дојка кај мајките.
