Светската здравствена организација оваа недела објави дека Ковид-19 останува глобален вонредна состојба, речиси три години откако беше прогласена за прв пат.
Комитетот за итни случаи на СЗО за првпат издаде изјава за Ковид-19 на 30 јануари 2020 година.
Во последниве месеци, агенцијата на ОН објави дека, иако бројот на случаи опаѓа во некои делови од светот, земјите сепак треба да останат будни и да се залагаат за вакцинација на најранливата популација, пренесува Ројтерс.
„Иако перцепцијата на јавноста е дека пандемијата е завршена во некои делови од светот, таа и понатаму е настан за јавно здравје кој продолжува негативно и силно да влијае на здравјето на светската популација“, соопшти Комитетот на СЗО.
Се забележува дека иако бројот на неделни смртни случаи е најмал од почетокот на пандемијата, тој сè уште е висок во споредба со другите вируси.
„Оваа пандемија нè изненади и претходно, и можеби ќе го направи тоа повторно“, им рече на новинарите генералниот директор на СЗО, Тедрос Аданом Гебрејесус.СЗО потсетува дека Ковид-19 сè уште е глобална здравствена закана
