Министерката за култура и претседателката на Координативното тело за родова рамноправност, Маја Гојковиќ денеска на сите граѓани од ромска националност им го честиташе Светскиот ден на Ромите, кој се одбележува на 8 април, најавувајќи дека државата ќе продолжи посветено да работи на создавање услови за поголема интеграција и еднаквост на Ромите во сите општествени сфери.области.
„Празникот кој го промовира ромскиот јазик, култура и традиција, потсетува и дека ромското наследство е важен дел од нашиот културен идентитет. Припадниците на ромската националност отсекогаш давале автентичен придонес во развојот на културата и на целото општество“, рече Гојковиќ, соопшти Министерството за култура.
Посебно внимание, додаде Гојковиќ, ќе биде посветено на зајакнувањето на девојките и жените Ромки со цел да се обезбедат еднакви можности за нивна обука и вработување.
Гојковиќ истакна дека подобрувањето на законската рамка и формирањето на Националната коалиција за крај на детскиот брак направиле голем чекор кон таа цел.
„Меѓутоа, нашата работа не е завршена додека секој член на ромската заедница не биде рамноправен член на општеството. Уште еднаш, го честитам Светскиот ден на Ромите, со желба да продолжиме заедно да градиме општество без поделби“, заклучи Гојковиќ.
