Аргентина е светски шампион во фудбал, Лионел Меси си го зацврсти местото меѓу фудбалските бесмртници, а многумина се прашуваат каде исчезна Кристијано Роналдо. Честитки до Лионел Меси и аргентинските фудбалери пристигнуваат од сите страни, но недостигаше една, онаа на најголемиот ривал на Меси од повеќе од една деценија незаборавни пресметки – Кристијано Роналдо. Имено, Роналдо е релативно активен на социјалните мрежи, особено кога е во прашање коментирањето на актуелните случувања. Сепак, откако Меси ја освои светската титула со Аргентина, од Роналдо нема ни збор. Многумина очекуваа дека како Пеле или некои други фудбалски легенди, Роналдо јавно ќе му честита на Меси за големиот трофеј кој сега веројатно го зацементира како најдобар играч на сите времиња, но тоа не се случи. Роналдо во последните две години повеќе беше следен во медиумите поради неговите егоистички испади отколку резултатите, а по поразот на Португалија во четвртфиналето на Светското првенство против Мароко, тој како да исчезна од лицето на земјата. . Секако, тоа не значи дека Роналдо не му испратил приватна порака на големиот противник, но тој детал засега не е познат. Програмата на N1 телевизија можете да ја следите ВО ЖИВО на овој линк како и преку апликации за Android|iPhone/iPad
Светот се прашува: Каде отиде Кристијано Роналдо?
