Пет лица загинаа при судар на воз со автомобил на рамен премин во јужна Унгарија, пишува АП.
Полицијата соопшти дека инцидентот се случил на преминот, недалеку од селото Кунфехерто, пишува АП.
Возачот на автомобилот и сите четворица сопатници загинале на лице место.
Патниците во возот не се повредени, но машиновозачот со полесни повреди е пренесен во болница, се вели во соопштението на полицијата.
Немаше рампа или електричен сигнал на руралниот премин, соопшти унгарската железничка компанија, додавајќи дека делот од пругата е затворен за возови.
