Илон Маск вели дека презема правна постапка против сопственикот на профилот на Твитер кој го следи неговиот приватен авион, тврдејќи дека тоа го изложува на ризик неговиот син. Профилот @ElonJet, која има повеќе од половина милион следбеници, беше суспендиран во средата, јавува Би-Би-Си.
Сопственикот на профилот, студентот Џек Свини (20) користел јавно достапни информации за следење на летот за да твита секој пат кога авионот на Маск полетал и слетал. Маск вели дека сега се преземаат правни мерки против Свини и други.
„Синоќа, автомобилот со (мојот син) Лил Икс во Лос Анџелес беше следен од луд демнач (кој мислел дека внатре сум јас), а човекот потоа се качи на хаубата и го блокираше автомобилот “, напиша Маск на Твитер.
Тој додаде дека секоја сметка што ги открива локациите на луѓе во движење ќе биде суспендирана „бидејќи тоа е повреда на физичката безбедност“.
Сепак, наводниот демнач и следач на Маск, Џек Свини негираше дека инцидентот е поврзан со неговата сметка на прашањето на Би-Би-Си. Свини во средата на својот личен профил на Твитер потврди дека профилот му е суспендиран.
Меѓутоа, истата вечер се чинеше дека сметката на Свини била повторно активирана. Тој на Твитер напиша:
„Да, се вратив!“
Неколку минути подоцна повторно беше наведен како суспендиран. Неговата лична сметка, @JxckSweeney, исто така е замрзната.
Студентот Свини стои зад десетици други сметки кои ги следат приватните летови на богатите Американци, вклучувајќи ги ко-основачот на Мајкрософт Бил Гејтс, основачот на Амазон Џеф Безос и главниот извршен директор на Мета, или по старо Фејсбук, Марк Закерберг. Многу од тие сметки, вклучително и еден авион за следење поврзан со рускиот претседател Владимир Путин и друг авион за следење на познати личности, се чинеше дека беа суспендирани на Твитер во средата попладне.
Маск долго време се расправаше со Свини на неговиот профил @ElonJet и еднаш наводно му понудил 5.000 долари да го избрише профилот. Свини за американските медиуми изјави дека Маск на крајот му рекол дека не чувствува дека е правилно да плати за да се затвори сметката.
Ова затворање на профилот изгледа ќе биде последно за Свини, но и за сите други кои објавуваат вакви податоци.
Во меѓувреме, Маск е толку „зафатен“ со Твитер што тој изминативе три дена продаде свои акции вредни 3,58 милијарди долари во неговата компанија Тесла. Со ова, од почетокот на годината Маск продал акции вредни речиси 40 милијарди долари.
