Силно невреме ја зафати Хрватска. Паднати се дрвја, оштетени се покриви од куќи, а и кран се срушил и паднал врз две згради во Пореч.
Хрватската полиција соопшти дека немало поголеми потешкотии во сообраќајот, но во текот на ноќта се случиле пет сообраќајни незгоди. Едно лице е тешко повредено.
Поплавени се Фажана, Ровињ, Врсар, Умаг. Врсар е поплавен, шеталиштето и патот се под вода, а државниот пат ДЦ75 меѓу Новиград и Пореч на мостот Антенал е затворен за секаков сообраќај поради високото ниво на морето.
