Неколку стотици навивачи утрово околу три часа ги пречекаа играчите на ХШКлуб Зрињски од Мостар, кои слетаа на аеродромот по синоќешната победа против казахстански Тобол во третото коло од квалификациите за Лигата на конференцијата.
Најжестоките навивачи на Зрињски, ултрасите, со запалени факели држени високи и гласни извици на името на клубот го поздравија историскиот успех на клубот од Мостар во европските натпреварувања.
Фудбалерите на Зрињски им се придружија на навивачите во славје, а капитенот на тимот го зеде факелот и го крена високо во воздух. На прославата на аеродромот се приклучи и градоначалникот на Мостар Марио Кордиќ.
Со минувањето над казахстански Тобол, Мостар се пласираше во плеј-офот од Конференциската лига, што никогаш досега не можеше да го направи. Противник во последната пречка за групната фаза од Конференциската лига е Словакот Слован, кој синоќа загуби од Олимпијакос во Европската лига.
Хрватскиот тренер на клупата на Зрињски, Сергеј Јакировиќ, оцени дека имале исклучително тежок противник.
„Слован е многу тежок противник, дури мислам дека се подобри од Олимпијакос. Знам дека нема да биде лесно, нема што да загубиме, ќе дадеме се од себе и ќе се обидеме да се пласираме во Конференциската лига“, изјави Јакировиќ.
Првиот натпревар меѓу Зрињски и Слован е закажан за четврток на 18 август на стадионот на босанскиот шампион.
