Металот од мобилните телефони што Германците повеќе не го користат, туку го чуваат може да ја покрие побарувачката на материјали за производство на паметни телефони во следните 10 години. Станува збор за чиста математичка пресметка на Институтот за германска економија во Келн, пишува dpa.
Според студијата, вкупната вредност на металот на мобилните телефони надвор од употреба е околу 240 милиони евра. Материјалната вредност на продадените паметни телефони во 2021 година е 23,5 милиони евра.
Институтот ги објави резултатите од студијата во понеделникот.
Сепак, авторите истакнуваат дека во реалноста „не се рециклираат сите телефони од фиоки, но можат целосно да се рециклираат“. Телефоните од фиоките се чуваат како т.н. урбани рудници, „магацини“ на суровини пронајдени во неискористени уреди, покриени со прашина.
Брита Букхаген од Институтот за геонауки и природни ресурси рече дека „многу е тешко да се процени кои суровини ќе ни се вратат, како и кога“.
Не е познато колку челик или алуминиум се користеле за производство на автомобили или машини за перење пред 50 години, ниту како најдобро може да се обноват и рециклираат.
