„Со приведувањето на учесниците на протестот против организираната изборна кражба, овој режим се обидува да ја убие правдата во Србија“, се вели во соопштението на Партијата за слобода и правда.
„За нашите деца кои нема да молчат за укинување на демократијата, за децата кои повеќе размислуваат со своја глава и им веруваат на своите очи отколку прогресивни лаги, обвинителството вели дека го уриваат уставниот и правниот поредок. И сето тоа по директива на неговиот врховен шеф Александар Вучиќ“, наведуваат од ССП.
Обвинителството, додаваат, „не гледа кривично дело во местење на изборите, што го докажаа домашни и странски набљудувачи, а за виновници ги прогласуваат оние што се бунтуваат против кражбата“.
„Според нив не е виновен крадецот, туку оштетениот кој протестира. Ние не се согласуваме со тоа и затоа обезбедивме бесплатна правна помош за сите жртви на политички прогон. Само јавете се на 063/8676207 и целиот правен тим ќе ви стои на располагање. Секој добронамерен човек можеше јасно да види на видео снимките дека немирите ги испровоцираа оние кои не сакаа да го пуштат Влад Обрадовиќ, член на привременото тело и старешини на градското собрание во зградата на Стариот дворец. Секој добронамерен знае дека протестите што ги организираме од мај отсекогаш биле мирни и ненасилни и дека пред два дена дивееја режимските хулигани. Затоа бараме од обвинителството и полицијата сите уапсени веднаш да бидат ослободени“, се вели во соопштението на ССП.
Albanian
English
Macedonian
Turkish
