Српскиот рокер Милиќ Вукашиновиќ на својот профил на Фејсбук објави потресна објава откако му беше ампутирана ногата.
„Пред дефинитивната одлука да ми ја ампутираат десната нога до над коленото, а сè поради крвните садови што ги уништив со пушење до таа мера што немаше поправка, со тага се сетив што сè сум направил во животот со таа моја мила тапанарска нога – која е водечка во свирењето на тапани, а почнав да свирам на 12 години и ме нарекоа „чудо од дете на тапани“, започнал Вукашиновиќ.
„Кога го отсвирав првото соло на тапани, гледам во моите тапани на првата гитаријада во Сараево, кога публиката ме изнесе од салата на Втората гимназија на раце, а весниците тоа го објавија на музичките страници како чудо, а потоа и соборувањето на светскиот рекорд за должина на свирење во Домот на млади на Скендерија кога по 25 часа свирка свирев 20-минутно соло на тапани, кое го паметам до денес и да ете уште да го споменам и снимањето во студиото со „Индекси“ „Бацила ја све низ реку“ и уште 3-4 песни, а потоа легендарната „Eto baša hoću“ од „Бијело дугме“, снимена во Лондон, кога најдоброто лондонско студио ми понуди да бидам нивен студиски тапанар, што е најголемиот комплимент што може да го доживее еден тапанар и еве ја таа славна нога отиде во смрт“, напишал Милиќ Вукашиновиќ.
Легендарниот музичар открил и дека имал проблеми по ампутацијата.
„И еве сега можете да видите што може да направи ампутираната нога и целосно да го загорчи животот. Самата ампутација на ногата помина совршено без никакви болки бидејќи го добив најдобриот серум за анестезија и болка и шест дена во болница по операцијата бев во рајот, но кога ме одвикнаа од тие рајски серуми, дома почна хоророт. Отсечената нога фантомски се врати, не надолу туку во главата, сите можни болки доживеани со неа почнаа да емитираат нон-стоп и тоа најсилно, а нога реално никаде, одамна фрлена и тоа е она што никој не ми го кажа, дека најголем проблем со ампутираната нога е фантомската болка“, додал Вукашиновиќ.
На Милиќ Вукашиновиќ на 2 декември му беше ампутирана ногата до коленото.
