Србија има изградено брза пруга од Белград до Нови Сад со брзина до 200 км на час. До крајот на годината готова ќе е брзата пруга до Суботица, а во 2028 година готова ќе биде и брзата пруга Белград-Ниш.
Се работи и на делницата од Ниш до македонската граница, за што Белград ќе аплицира за средстав од ЕУ, и сакам час покоро за овој проект да остварам контакт со министерот Александар Николовски, изјави за Дневникот на МРТ српскиот министер за градежништво, сообраќај и инфраструктура Горан Весиќ.
– Што се однесува до пругата Ниш-Скопје, ние во моментов работиме на пругата Белград- Ниш, долга 230 километри, а работиме и на делот од 23 километри од пругата Ниш-Брестовац кон Скопје. До крајот на годината го завршуваме и проектот кој е финансиран од ЕУ за делот од нашата пруга од Брестовац до Прешево. Согласно договорот што го потпишавме со Владата на Северна Македонија, го очекуваме тоа што го предложи, да го проектира и својот дел од Прешево до Скопје.
Тоа е една од двете делници на кои Србија сака да работи и кои ги номинира од овој нов План за раст на Западен Балкан. Го чекам вашиот нов министер, Николовски да се сретне со мене, можеби во Скопје, можеби во Белград, за да продолжиме со нашата заедничка работа на таа пруга, и за да продолжи да работи комисијата што почна да работа. Сакаме во од да ги средуваме деталите, како таа пруга навистина би била завршена до Скопје, затоа што имаме желба да ги поврземе Белград, Ниш со Скопје. А бидејќи пругата до Будимпешта ќе ја завршиме во 2026 година, тоа значи и врска од Скопје до Белград и до Будимпешта, и во иднина до Солун и Атина – изјави Весиќ.
Според Весиќ, пругата би имала просечна брзина до 200 км на час, а годинава желба за поврзување на Белград и Скопје со Солун и Атина изразил и грчкиот премиер Кирјакос Мицотакис.
– Кога премиерот Мицотакис беше во Белград, имавме средба, а потоа не известија дека ја реконструираат пругата меѓу Солун и Атина и рекоа дека ќе проектираат, веројатно со средства од ЕУ, 75 километри од пругата од Солун до границата со Северна Македонија. Тоа значи дека ќе почнат со работа, и после тоа треба да се поврзе пругата од Скопје со пругата во Грција – кажа Весиќ.
Според Транспортната заедница, пругата Ниш-Скопје е најкратка врска меѓу Азија, Блискиот Исток и остатокот од Централна и другите делови на Европа.
– Ова е еден од проектите кој е приоритетен проект. И за Северна Македонија, и за Западен Балкан, и за Европската Унија. Но, она што е клучно е реформите и проектите да се случуваат паралелно. Тие се две страни на иста паричка. Проектите без реформи се бескорисни, не се одржливи. Реформите без проекти не даваат резултати. И затоа инвестициите во проекти, инвестициите во реформите се единствениот пат – порача Матеј Закоњшек, директор на Постојаниот секретаријат на Транспортната заедница во Белград
Во моментов неколку години не сообраќа ниту има најава за воспсотавување на железничка патничка врка меѓу Скопје и Белград, а со тоа и со Центарлна и Источна Европа.
