Српскиот фолк пејач Дарко Лазиќ вторпат го изговори судбоносното „да“, овој пат на својата голема љубов од детството Катарина, со која имаше гала-венчавка на која присуствуваа многу пријатели, колеги и членови на семејството.
Познато е дека Лазиќ не е човек кој штеди, па заедно со својата избраничка се потруди сè да биде на ниво, со сите адети и обичаи. За нивната венчавка сè уште се зборува, а Катарина Лазиќ сега го откри најоригиналниот, а и најнеобичниот подарок што го добиле.
„Најубав подарок беше наша слика, која беше рачно изработена, а најнеобично, верувале или не, празни пликови. Ги поздравувам оние што ни донесоа празни пликоа на подарок, бев многу изненадена“, рече Катарина.
За потсетување, за свадбата младенците потрошиле милион евра, пренесоа медиумите.
