Србија и Албанија заеднички ќе го организираат Европското првенство за млади фудбалски репрезентации во 2027 година.
Бидејќи истече рокот за кандидатура, српско-албанската понуда е единствена, па речиси сигурно е дека најдобрите играчи до 21 година на континентот ќе играат во Србија и Албанија.
Конечната одлука ќе биде донесена на состанокот на Извршниот комитет на УЕФА на 16 декември. Предлогот на Србија и Албанија, како што е објаснето, има за цел да се надминат политичките тензии меѓу двете земји.
На турнирот ќе учествуваат 16 репрезентации. Србија и Албанија ќе бидат домаќини и на следните два конгреса на УЕФА.
