Руската Федерална служба за безбедност (ФСБ) објави дека е приведен осомничен припадник на Азовскиот полк кој планирал да постави експлозивна направа на инфраструктурата на Балтичката флота во Калининград.ФСБ наведува дека осомничениот го признал својот план и дека истражителите пронашле експлозивна направа со капацитет од пет килограми ТНТ, пренесе „Спутник“.
„Во градот Калининград, идентификуван и приведен е локален жител, државјанин на Руската Федерација, роден 1967 година, приврзаник на организацијата Азов“, се наведува во соопштението.
ФСБ додава дека осомничениот имал намера да изврши саботажа и терористички напад врз објекти на Балтичката флота на руската морнарица и воениот персонал, како и на аеродромот Храброво.
