Најмалку 55 лица загинаа во Етиопија во поплавите предизвикани од обилните врнежи, соопштија властите.
Меѓу нив има мали деца и трудници.
Најголем број загинаа вчера во лизгање на земјиштето во областа Кенчо Шача Гозди на југот на Етиопија, а спасувачите сè уште го пребаруваат стрмниот терен по преживеани. Се очекува бројот на жртвите да се зголеми.
Од калта живи се извлечени пет лица.
Одроните се вообичаени во Етиопија за време на сезоната на дождови, која започна во јули оваа година и се очекува да трае до средината на септември.