Сосед на 20-годишникот кој се обиде да го застрела Доналд Трамп изјавил дека пред неколку месеци во дворот на куќата на неговото семејство имало поставено транспаренти со мотото „Make America great Again“ од кампањата на Трамп, пишува Њузвик.
– Некое време сигурно имаше транспаренти за поддршка на Трамп – изјави Кели Литл за WTAE-TV.
Во саботата Томас Метју Крукс пукаше во Трамп од покривот на зградата додека поранешниот американски претседател говореше на митинг во Пенсилванија. Крукс беше набрзо ликвидиран откако еден куршум му го раскрвави десното уво на Трмап.
Крукс донирал 15 долари за проект на Демократската партија. Осум месеци по донацијата, Крукс се пријавил да гласа како член на Републиканската партија, која Трамп ја предводи од 2016 година.
Јавните записи покажуваат дека таткото на Крукс е регистриран републиканец, а неговата мајка е регистрирана демократка.
Би-Би-Си објави дека Крукс работел во дом за стари лица во Бетел парк, а е опишан како „паметно, брилијантно дете“, повлечен средношколец кој играл видео-игри.
