Норвешката принцеза Марта Луиз се омажи за самопрогласениот шаман, Американецот Дурек Верет во август 2024 година. Меѓутоа, норвешките медиуми известија дека Дурек бил обвинет за недолично однесување.
Имено, Швеѓанецот Јоаким Бостром посетувал една сеанса која ја организирал Дурек, и тврди дека тој ја злоупотребува неговата работа. Јоаким вели дека Дурек се обидел да го заведе и непримерно го допирал.
Јоаким и Верета се запознале во 2015 година во Њујорк. Кога се впуштил во сеансата со шаманот, Јоаким вели дека нивната средба поминала неочекувано. „Тој ми кажа дека имам некаква циста во близина на мојот пенис и ме праша дали може да ме допре таму“, изјави Јоаким за норвешкиот „Сехер“.
Јоаким тврди дека Дурек сакал да го наговори да имаат секс
Јоаким го игнорирал тој инцидент, иако му делувал чудно, но на втората седница, како што тврди, разбрал што се обидувал да направи Дурек.
„Почна да ми го допира пенисот. Јас реагирав бурно и викнав: „Што мислиш дека ќе се случи? Сакаш да добијам ерекција? Го замолив да престане, но тој не престана. Изгледаше дека цврсто одлучил да ме проговори на секс. Посакувам да можев побргу да соберам докази против него, но единственото нешто кое ми падна на ум е да го снема од мојот живот“, вели Јоаким.
„Фактот што тој е дел од норвешкото кралско семејство е апсолутно болен! Моето мислење е дека Дурек бара моќ и позиција. Неверојатно е што толку малку луѓе не сфаќаат каков е“, додаде тој.
На прашањето дали Бостром тоа го сфатил како напад, тој одговори: „Да, дефинитивно. Но, тој не ја премина границата само за време на третманот. Кога ќе се потсетам, неговото однесување секогаш беше сексуализирано и постојано ме допираше. Тоа беше исцрпувачко“.
„Можев да го пријавам затоа што ме допираше и постојано сексуално ме поттикнуваше. Посакувам побрзо да ги соберев доказите против него. Но, ме интересираше само да го снема од мојот живот“, додава тој.
Се огласи портпаролката на Дурек
Портпаролката на Дурек, Верет Џени Вајнман, испрати соопштение во врска со овие обвинувања: „Јоаким Бостром беше шведскиот претставник на шаманот Дурек, кого го обвинува за недолично однесување. За време на неговите сеанси, Дурек често спроведува енергетски празнења преку лимфниот систем во пределот на пазувите и препоните.
Бидејќи неговата работа вклучува различни методи на лекување, вклучително и допирање, Дурек создаде правен документ којшто секој кој ги користи неговите услуги мора да го потпише за да се заштити од луѓе со лоши намери како Јоаким. Во вашите прашања спомнавте дека Дурек го прашал дали може да го допре ’таму‘. Претпоставувам дека Бостром одговорил позитивно, бидејќи посочивте дека имал и втор третман.
Доколку Бостром кажеше „не“, претпоставувам дека немаше да има втор третман, поради што се прашувам дали тој поднел пријава за сексуален малтретирање, што исто така имплицирате. Оваа приказна звучи како обид за наштетување на угледот и името на шаманот Дурек, кој им помогна на многумина луѓе ширум светот“.
