Времето денеска ќе биде сончево со мала до умерена локална облачност. Ќе дува слаб до умерен ветер од јужен правец, информираше УХМР.
„Во Скопје сончево со мала до умерена облачност и со слаб до умерен јужен ветер“, се вели во соопштението.
Прогноза за недела
Сончево со мала до умерена облачност. Ќе дува слаб до умерен јужен, а во западните делови засилен ветер од југозападен правец. Кон крајот на денот и во текот на ноќта ќе има врнежи од дожд, локално проследени со ретки грмежи и силен ветер (над 70 km/h).
Прогноза за понеделник
Променливо облачно со повремени врнежи од дожд, наместа поројни, проследени со ретки грмежи, особено претпладне. На повисоките планини врнежите ќе бидат од снег. Ќе дува силен ветер од северен правец (над 70 km/h).
Прогноза за вторник
Променливо облачно, попладне со повремен локален дожд. Ќе дува слаб до умерен, попладне долж Повардарието повремено засилен ветер од јужен правец.
