Прогнозата за денеска вели дека ќе имаме сончево и постудено со мала до умерена локална облачност. Ќе дува засилен, а долж Повардарието и во источните делови силен северoзападен ветер (наместа над 70км/ч.)
Минималните утрински температури ќе се движат од 2 во Маврово до 15 во Гевгелија, а максималните дневни од 12 во Маврово и 21 Целзиусови степени во Гевгелија.
Во Скопје ќе биде сончево со мала локална облачност и со засилен ветер од северен правец. Температурата ќе се движи од 11 до 20 степени, соопштија од УХМР.
В вторник наутро ќе биде студено, преку денот сончево и потопло со мала локална облачност. Ќе дува слаб до умерен, а наместа долж Повардарието краткотрајно засилен ветер од северен правец.
Минималната температура ќе се движи 0°C до 10°C, додека максималната од 17°C до 25°C.
